arwah cikgu naim wi cramoh lagu ni.....
al-fatihah untuk arwah....
ambo nyanyi lagu berdikir
sebagai ceramoh motivasi
adik adik kena pikir
terutama hok dok tengoh mengaji
loni zame dunio moden
zame sains teknologi
semuo bangso pakat bertanding
nak mengangkat harga diri
keperluan alaf baru
semakin hari semakin canggih
buke setakat perlu tahu
baca quran baca hadis
bidang lain jugok perlu
matematik dan inggeris
semuo bidang kita maju
jadi ore serbo buleh
kehidupe sudah bertukar
gayo hidup banyok beralih
sakit deme wok g sepital
ore tak bomoh dah dengan sirih
talipon napok gambar
buleh berkecek hatar mesej
kalu kita tokse belajar
bangso kito ore tindih
teknologi zame modem
mengubah hidup manusia
cumo pecet suis dinding
kipas musing lampu menyalo
puyuk menanok koli goreng
loni pakai letrik belako
sikit lagi tak mustahil
keto api atas udara
teknologi alaf baru
koho sehari koho molek
keto deras mace peluru
ado robot buleh berkecek
satelit langit biru
ore berlumba dok lancar roket
kalu kita tokse maju
bangso kita ore golek
ni buke zame keris lembing
senjato kayu tongkat buluh
kapal terbang tadok stereng
peluru perpandu kawalan jauh
bom nuklear hok buleh mikir
kuaso letupan mengalahkan guruh
bakpo kita tokse bersaing
tunjuk ghetek kita ni jaguh
malaysia depan hari
adik adik kena bina
untuk bela maruah diri
dengan ilmu hak adik terimo
ilmu sains teknologi
zaman loni sangat berguno
jadi bangso dihormati
aman makmur selamo-lamo
ambo nyanyi lagu berdikir
sebagai ceramoh motivasi
adik adik kena pikir
terutama hok dok tengoh mengaji
loni zame dunio moden
zame sains teknologi
semuo bangso pakat bertanding
nak mengangkat harga diri
No comments:
Post a Comment